مالی سال 2025 میں پاکستان کی ویلیو ایڈڈ برآمدات میں حوصلہ افزا اضافہ ہواجس میں معدنی اور دھاتی مصنوعات کے شعبے نے 4.02 بلین ڈالر کا حصہ ڈالا جو کہ قومی برآمدات کا 13.1 فیصد بنتا ہے، ویلتھ پاکستان کی رپورٹ کے مطابقدستاویزات سے پتہ چلتا ہے کہ سٹریٹیجک تجارتی پالیسی کے فریم ورک کے تحت، وزارت تجارت نے چاول اور ماہی پروری جیسے اہم شعبوں کے لیے مخصوص سیکٹرل کونسلیں قائم کی ہیں۔ یہ کونسلیں پالیسی، تعمیل اور مارکیٹ کی ترقی پر سرکاری اور نجی اسٹیک ہولڈرز کے درمیان مشاورت کے لیے منظم پلیٹ فارم کے طور پر کام کرتی ہیں۔وزارت مشترکہ جائزوں اور اسٹیک ہولڈرز کے اجلاسوں کے ذریعے برآمد کنندگان کے تحفظات کو دور کرنے کے لیے تجارتی انجمنوں، جیسے کہ رائس ایکسپورٹرز ایسوسی ایشن آف پاکستان اور پاکستان فشریز ایکسپورٹر ایسوسی ایشن کے ساتھ باقاعدہ رابطہ بھی برقرار رکھتی ہے۔برآمدات میں رکاوٹوں کو روکنے کے لیے وزارت نان ٹیرف رکاوٹوں کی نگرانی کرتی رہتی ہے اور متعلقہ ایجنسیوں اور صوبائی حکومتوں کے ساتھ رابطہ قائم کرتی ہے، خاص طور پر حساس مقامات جیسے یورپی یونین اور گلف کوآپریشن کونسل کی مارکیٹوں میں روابط بڑھائے جاتے ہیں۔

دریں اثنا، فارماسیوٹیکل سیکٹر جس کی قیمت 3.5 بلین ڈالرکے لگ بھگ ہے ایک اور فوکس ایریا کے طور پر ابھرا ہے۔ ایکسپورٹ پروموشن کونسل کے قیام، جنرکس اور بائیو فارماسیوٹیکلز کے لیے تحقیق اور ترقی میں تعاون بڑھانے اور سعودی فرموں کے ساتھ سرمایہ کاری کی شراکتیں تلاش کرنے کے منصوبے زیر غور ہیں۔ اس شعبے نے مالی سال 2024-25 کے دوران برآمدات میں 34 فیصد اضافہ ریکارڈ کیا، جو 457 ملین ڈالر تک پہنچ گئی۔دستاویزات میں مزید انکشاف کیا گیا ہے کہ ایگرو پراڈکٹس ایکسپورٹ انہانسمنٹ روڈ میپ، جسے وزیراعظم نے اگست 2025 میں نیشنل ایکسپورٹ ڈویلپمنٹ بورڈ کے چوتھے اجلاس کے دوران اصولی طور پر منظور کیا تھا، اب اس پر عمل درآمد کیا جا رہا ہے۔روڈ میپ میں چاول اور ماہی گیری سمیت بڑے زرعی شعبوں میں مارکیٹ کے لیے مخصوص حکمت عملیوں، قدر میں اضافے کے اہداف اور تعمیل کے اقدامات کا خاکہ پیش کیا گیا ہے۔ اس کے آنے والے اسٹریٹجک ٹریڈ پالیسی فریم ورک 2025کا ایک اہم جزو بننے کی امید ہے۔

پاکستان کے کمرشل اتاشیوں کے لیے کارکردگی پر مبنی اہداف بھی تیار کیے جا رہے ہیں تاکہ اس بات کو یقینی بنایا جا سکے کہ ان کی مارکیٹ کی ترقی کی سرگرمیوں کے قابل پیمائش نتائج برآمد ہوں۔روڈ میپ کے مطابق حکومت کے کام کا اگلا مرحلہ ویلیو ایڈڈ اور سرمایہ کاری کی قیادت میں برآمدی نمو کو فروغ دینے پر مرکوز ہوگا۔ توقع ہے کہ مستقبل کے اقدامات سے ماربل، گرینائٹ اور فارماسیوٹیکل جیسے صنعتی شعبوں میں سعودی سرمایہ کاری کو راغب کرنے پر بھرپور توجہ دی جائے گی۔ماربل اور گرینائٹ کے ذخائر کا تخمینہ 300 بلین ٹن سے زیادہ ہے، وزارت کان کنی اور پروسیسنگ کے کاموں کو جدید بنانے کے لیے سعودی شراکت داروں کے ساتھ مشترکہ منصوبوں کو آگے بڑھانے کا ارادہ رکھتی ہے۔ جن کا مقصد معدنیات نکالنے کی کارکردگی کو بہتر بنانا اور پراسیس شدہ سامان جیسے ٹائل اور سلیب کی پیداوار کو بڑھانا ہے۔حکام نے کہا کہ ان اقدامات کا مقصد پاکستان کے برآمدی شعبوں میں مسابقت کو بہتر بنانا، بین الاقوامی معیارات کی تعمیل کو مضبوط بنانا اور اعلی قدر والی مینوفیکچرنگ اور متنوع مارکیٹوں کی طرف بتدریج منتقلی کی حمایت کرنا ہے۔

کریڈٹ: انڈیپنڈنٹ نیوز پاکستان-آئی این پی ویلتھ پاک