وزیراعظم شہباز شریف نے اسلام آباد میں خودکش حملہ کے بعد دنیا بھر سے ہمدردی اور یکجہتی کے اظہار کیلئے موصول ہونے والے پیغامات پر دوست ممالک اور عالمی رہنمائوں کا شکریہ ادا کیا اور اس عزم کا اعادہ کیا ہے کہ گھنائو نے جرم کا ارتکاب کرنے والوں کو انصاف کے کٹہرے میں لایا جائے گا اور ان کے مذموم عزائم کو کبھی کامیاب نہیں ہونے دیا جائے گا۔ سوشل میڈیا نیٹ ورک ایکس(سابقہ ٹوئٹر ) پر اپنے ایک بیان میں وزیر اعظم نے ا کہا کہ اسلام آباد میں دل دہلا دینے والے خودکش حملے کے بعد دنیا بھر سے ہمیں ہمدردی اور یکجہتی کے جو پیغامات موصول ہوئے ہیں، ہم ان کیلئے شکر گزار ہیں۔انہوں نے لکھا کہ پاکستان کی دہشت گردی کے خاتمے کیلئے کوششوں میں ہمارے دوستوں اور شراکت داروں کی حمایت اور تعاون ہمیشہ سے نہایت اہم رہا ہے، اس نازک گھڑی میں بہادر پاکستانی قوم متحد رہے اور دہشت گردی کو شکست دینے کے اپنے عزم پر پہلے کی طرح مضبوطی سے قائم رہے۔

کریڈٹ: انڈیپنڈنٹ نیوز پاکستان-آئی این پی