نیشنل ڈیٹا بیس اینڈ رجسٹریشن اتھارٹی( نادرا) نے خصوصی افراد کے لئے خصوصی سہولت فراہم کردی ہے جس کے تحت معذور افراد باآسانی شناختی کارڈ بنواسکیں گے۔ جاری بیان میں کہا گیا ہے کہ خصوصی افراد کے لئے نادرا کی جانب سے خصوصی سہولت مہیا کی گئی ہے، معذوری کے نشان والا شناختی کارڈ بنوانے کیلئے کسی قسم کی پریشانی نہیں ہوگی۔نادرا کی جانب سے خصوصی افراد کو کئی خدمات اور سہولیات فراہم کی جاتی ہیں اور پہلی بار معذوری کے نشان والا شناختی کارڈ بلامعاوضہ جاری کیا جاتا ہے۔نادرا رجسٹریشن سنٹر سے معذوری کے نشان والا کارڈ بنوانے کا مکمل طریقہ جاننے کے لئے نادار نے ویڈیو شیئر کی ہے جس میں سار تفصیل سے آگاہ کیا گیا ہے۔معذوری کے نشان والے شناختی کارڈ کیلئے مطلبہ دستاویزات سے متعلق بتایا گیا ہے کہ بین الاقوامی ادارے سے جاری کردہ معذوری کا سرٹیفکیٹ، والدین یا بہن بھائیوں کے شاختی کارڈ درکار ہونگے۔

کریڈٹ: انڈیپنڈنٹ نیوز پاکستان-آئی این پی