پاکستان اوراسلامی ترقیاتی بینک کے نائب صدر ڈاکٹررامی احمد اوراقتصادی امور ڈویژن کے سیکرٹر ی محمد حمیرکریم نے دستخط کئے۔معاہدوں کے تحت انتہائی غریب اور سیلاب سے متاثرہ گھرانوں کو غربت سے نکالنے کے لئے ایک جامع تخفیفِ غربت پروگرام شروع کیا جائے گا۔اس پروگرام کی مجموعی لاگت 134.2 ملین ڈالرہے،جس میں اسلامی ترقیاتی بینک 118.4 ملین ڈالر فراہم کرے گا،یہ منصوبہ ملک کے 25 اضلاع میں نافذکیا جائیگاجس سے ایک لاکھ 60 ہزار 866 گھرانے مستفید ہوں گے۔

پروگرام کامقصد غریب خاندانوں کومعاشی خودمختاری فراہم کرنا اور انکے لئے مضبوط معاشی بنیاد استوار کرناہے،اس کے علاوہ اسلامی ترقیاتی بینک آزاد کشمیرمیں اسکول سے باہربچوں کیلئے ایک تعلیمی منصوبے کے تحت 10 ملین ڈالر فراہم کریگا،اس منصوبے کے ذریعے تقریبا 60 ہزاربچوں کودوبارہ اسکولوں میں داخل کیا جائے گا جبکہ 4 ہزار اساتذہ کو تربیت دی جائے گی۔اس موقع پراسلامی ترقیاتی بینک کے نائب صدر ڈاکٹر رامی احمد نے کہا کہ بینک پاکستان کے ساتھ باہمی مفاد کے شعبوں میں تعاون کو مزید وسعت دینا چاہتا ہے۔

کریڈٹ: انڈیپنڈنٹ نیوز پاکستان-آئی این پی