گورنرسندھ کامران ٹیسوری نے گل پلازہ میں آگ لگنے کے واقعے پر عدالتی انکوائری کا مطالبہ کرتے ہوئے جوڈیشل انکوائری کمیشن قائم کرنے کی سفارش کی ہے۔ گورنر سندھ یہ مطالبہ چیف جسٹس سندھ ہائیکورٹ کو لکھے گئے خط میں کیا ۔گورنر سندھ نے شاپنگ پلازہ میں آگ لگنے سے قیمتی انسانی جانوں کے ضیاع پر شدید تشویش کا اظہار کرتے ہوئے واقعے کی وجوہات، غفلت ،قانونی خلاف ورزیوں کی تحقیقات کی درخواست کی۔خط کے متن میں کہا گیا ہے کہ جوڈیشل انکوائری سے ذمہ داران کا تعین ممکن ہوگا، انکوائری کمیشن سندھ ہائی کورٹ کی نگرانی میں بنایا جائے۔ کامران ٹیسوری کا کہنا ہے کہ انصاف کی فراہمی اور عوامی اعتماد کی بحالی لازم ہے، مستقبل میں ایسے سانحات کی روک تھام کیلئے جامع تحقیقات کی ضرورت ہے۔

کریڈٹ: انڈیپنڈنٹ نیوز پاکستان-آئی این پی