بیجنگ (شِنہوا) چین کے وزیر اعظم لی چھیانگ نے کہا ہے کہ آبنائے تائیوان کے دونوں جانب  کے مابین معمول کے تبادلوں کی جلد بحالی اور باقاعدہ تعاون مشترکہ خواہش ہے اور اس کے لیے دونوں اطراف کی مشترکہ کوششوں کی ضرورت ہے۔

لی نے یہ بات  پیر کے روز چین کی اعلیٰ مقننہ 14ویں قومی عوامی کانگریس کے پہلے اجلاس کے اختتام کے بعد ایک منعقدہ پریس کانفرنس میں کہی ہے۔

لی نے کہا کہ چینی مین لینڈ کی جانب سے ایک چین کے اصول اور 1992 کے اتفاق رائے کی بنیاد پر آبنائے کے پار اقتصادی اور ثقافتی تبادلوں اور تعاون کو فروغ دینے کا عمل جاری رکھا جا ئے گا۔

انہوں نے اس  امید کا بھی اظہار کیا  کہ تائیوان کے مزید ہم وطن اور کاروبار مین لینڈ  آئیں گے۔ ہمیں امید ہے کہ وہ نہ صرف مین لینڈ  پر آنے کے لیے تیار ہیں بلکہ مقامی برادریوں  میں ضم ہونے اور بہتر ترقی کے حصول کے قابل بھی ہیں۔