بیجنگ(شِنہوا) چین کے ریاستی کونسلر اور وزیر خارجہ  چھن گانگ نے کہا ہے کہ امریکہ سے تائیوان کے معاملے میں چینی موقف کا احترام کرنے،اندرونی معاملات میں مداخلت بند  اور مسابقت کے نام پر چین کی خودمختاری، سلامتی اور ترقی کے مفادات کو نقصان پہنچانے کا سلسلہ بند کرنے کا مطالبہ کیا ہے۔

چینی وزیرخارجہ نے یہ مطالبہ امریکی وزیر خارجہ انتھونی بلنکن کے ساتھ فون پر بات چیت  کے دوران کیا، جس کے دوران انہوں نے مسئلہ  تائیوان اور دیگر بنیادی خدشات پر اپنے ملک کے پختہ موقف کی وضاحت کی۔ چھن نے کہا کہ رواں سال کے آغاز سے  دوطرفہ تعلقات کو نئی مشکلات اور چیلنجز کا سامنا کرنا پڑا ہے، اور یہ بات واضح ہے کہ  اس کا کون ذمہ دار ہے۔ انہوں نے مزید کہا کہ  امریکہ کے ساتھ تعلقات کو چین نے ہمیشہ صدر شی جن پھنگ کی طرف سے تجویز کردہ باہمی احترام، پرامن بقائے باہمی اور یکساں مفاد پر مبنی تعاون کے اصولوں کے مطابق دیکھا اور ہینڈل کیا ہے۔

چینی وزیر خارجہ نے امریکہ پر زور دیا کہ وہ گروپ آف 20 کے بالی سربراہی اجلاس میں دونوں سربراہان مملکت میں طے پانے والے اہم اتفاق رائے کو عملی جامہ پہنانے کے لیے ٹھوس اقدامات کرے اور اس سے کیے گئے متعلقہ وعدوں کا احترام کرے۔