بیجنگ(شِنہوا)2023 کی پہلی تین سہ ماہیوں میں چین کی مجموعی ملکی پیداوار (جی ڈی پی) میں سالانہ بنیاد پر 5.2 فیصد اضافہ ہوا۔
چین کے قومی ادارہ شماریات (این بی ایس ) کے بدھ کو جاری اعداد و شمارکے مطابق رواں سال کی پہلی تین سہ ماہیوں میں چین کی جی ڈی پی 913 کھرب یوآن (تقریباً 127 کھرب ڈالر) تک پہنچ گئی۔
این بی ایس کے مطابق 2023 کی تیسری سہ ماہی میں چین کی جی ڈی پی میں گزشتہ سال کی نسبت 4.9 فیصد اضافہ ہوا۔
این بی ایس نے کہا کہ اس سال کی پہلی تین سہ ماہیوں میں ایک سنگین اور پیچیدہ بین الاقوامی ماحول اور اندرون ملک اصلاحات، ترقی اور استحکام کے مشکل کاموں کے پیش نظرملک کے تمام علاقوں اور محکموں نے اعلیٰ معیار کی ترقی کو آگے بڑھانے اور روزگارو قیمتوں کے استحکام کے لیے بھرپور کوششیں کیں۔
این بی ایس نے تصدیق کی کہ اس عرصے کے دوران مارکیٹ کی طلب بڑھتی رہی، پیداوار اور رسد میں مسلسل اضافہ ہوتا رہا اور معاشی کارکردگی مسلسل بہتر ہوتی رہی۔
این بی ایس نے مزید کہا کہ چین کی اشیائے خوردونوش کی خوردہ فروخت رواں سال کی پہلی تین سہ ماہیوں میں گزشتہ سال کی نسبت 6.8 فیصد بڑھ کر 342 کھرب یوآن سے تجاوز کر گئی۔
