بیجنگ(شِنہوا)کمیونسٹ پارٹی آف چائنہ(سی پی سی)کی17ویں، 18ویں اور 19ویں مرکزی کمیٹیوں کے سیاسی بیورو کی قائمہ کمیٹی کے رکن اور ریاستی کونسل کے سابق وزیر اعظم لی کھ چھیانگ 68 برس کی عمر میں جمعہ کوشنگھائی میں انتقال کر گئے۔

جمعہ کو جاری کردہ ایک سرکاری تعزیت کے نوٹس کے مطابق ہرممکن طبی کوششوں میں ناکامی کے بعد لی کھ چھیانگ جمعرات اور جمعہ کی درمیانی شب 12 بج کر 10 منٹ پراچانک دل کا دورہ پڑنے سے انتقال کر گئے۔

لی کی خدمات کوسی پی سی کے ایک بہترین رکن، آزمودہ، تجربہ کار اور وفادار کمیونسٹ سپاہی اور ایک شاندار مزدور انقلابی، سیاستدان اور پارٹی اور ریاست کے رہنما کے طور پر سراہا گیا۔

اس حوالے سے تعزیتی نوٹس سی پی سی کی مرکزی کمیٹی، نیشنل پیپلز کانگریس کی قائمہ کمیٹی، ریاستی کونسل اور چینی عوامی سیاسی مشاورتی کانفرنس کی قومی کمیٹی نے مشترکہ طور پرجاری کیا۔