برن ، سوئٹرزلینڈ(شِنہوا) چین کے وزیراعظم لی چھیانگ نے کہا ہے کہ چین مزید عملی نتائج کے لئے سوئٹزرلینڈ کے ساتھ مختلف شعبوں میں باہمی مفید تعاون کو وسعت دینے کا خواہش مند ہے۔
چینی وزیراعظم نے یہ بات سوئٹزرلینڈ کے دارالحکومت زیورخ سے برن جانے والی ایک خصوصی ٹرین میں سوئس کنفیڈریشن کی صدر ویولا ایم ہرڈ کے ساتھ ایک آرام دہ اور دوستانہ ماحول میں بات چیت کےدوران کہی۔
انہوں نے اس بات کا تذکر کرتے ہوئے کہ کہا کہ سوئٹزرلینڈ عوامی جمہوریہ چین کوتسلیم کرنے والے اولین مغربی ممالک میں سے ایک ہے۔ دونوں ممالک دوستانہ تعاون کی ایک طویل تاریخ رکھتے ہیں۔
انہوں نے کہا کہ سوئٹزرلینڈ نہ صرف خوبصورت قدرتی مناظر رکھتا ہے بلکہ ایک اچھا حیاتیاتی ماحول، اختراع کی صلاحیت اور اعلیٰ معیار کی "میڈ ان سوئٹزرلینڈ" مصنوعات بھی اس کے پاس ہے۔
چینی وزیراعظم لی چھیانگ نے کہا کہ اس وقت چین اعلیٰ معیار کی ترقی کے ساتھ ہمہ جہت طریقے سے چینی جدیدیت میں پیشرفت کررہا ہے۔ چین سوئٹزرلینڈ کے ساتھ تبادلے اور باہمی سیکھنے کا عمل آگے بڑھانے کو تیار ہے۔
اس موقع پر سوئس صدر ایم ہرڈ نے سوئٹزرلینڈ کے سرکاری دورے پر چینی وزیراعظم لی چھیانگ کا خیرمقدم کرتے ہوئے انہیں سوئٹزرلینڈ کے قومی حالات اور راستے میں مختلف ریاستوں کے رسم و رواج سے آگاہ کیا۔
انہوں نے کہا کہ سوئٹزرلینڈ اور چین کے عوام ایک دوسرے کے لئے دوستانہ جذبات رکھتے ہیں اور دونوں ممالک کے درمیان تعاون کی ایک طویل تاریخ ہے جس کے کئی مثبت نتائج برآمد ہوئے ہیں۔
