جنیوا (شِنہوا) پلاسٹک کی آلودگی سے نمٹنے کے لیے چین کے اقدامات دیگر ممالک کے لیے ایک معیار اور ماڈل قائم کر سکتے ہیں، جو اقوام متحدہ کے پلاسٹک آلودگی کے عالمی معاہدے کو حتمی شکل دینے میں مدد فراہم کر سکتے ہیں۔

پلاسٹک کی آلودگی پر عالمی سطح پر پابندی کے معاہدہ کو حتمی شکل دینے کے لیے اقوام متحدہ کی بین الحکومتی مذاکراتی کمیٹی (آئی این سی 3) کا تیسرا اجلاس کینیا کے دارالحکومت نیروبی میں 13 نومبر سے 19 نومبر تک جاری ہے۔

ورلڈ وائڈ فنڈ فار نیچر (ڈبلیو ڈبلیو ایف) کے عالمی پلاسٹک پالیسی مینیجرایرک لنڈیبگریگ نے نیروبی سے ایک ورچوئل انٹرویو میں شِنہوا کو بتایا کہ چین ان مذاکرات میں ایک بہت اہم ملک اور فریق  ہے اور اس نے پلاسٹک کی پیداوار اور استعمال کو کم کرنے، متبادل تیار کرنے اور پلاسٹک کے فضلے کو کم کرنے کے لیے بہت سی ملکی پالیسیاں نافذ کی ہیں، جو سفید آلودگی کو روکنے اور ماحولیات کے تحفظ کے لیے اہم ہیں۔

اکتوبر میں، مشرقی صوبے ژی جیانگ کے 6ہزارسے زیادہ افراد اور 200 سے زیادہ کاروباری اداروں کے تعاون سے  سمندری پلاسٹک کے فضلے کو پراسیس کرنے کے چینی پروگرام نے 2023 کا چیمپیئنز آف دی ارتھ ایوارڈ حاصل کیا تھا۔

انہوں نے کہا کہ پلاسٹک کی آلودگی سے متعلق مکمل ویلیو چین کا چینی نقطہ نظر ایک ایسی چیز ہے جو ان مذاکرات میں بہت قیمتی اور انتہائی اہمیت کا حامل ہوگا۔