ہانگ ژو (شِنہوا) چین کے مشرقی صوبے ژے جیانگ کی پہاڑی کاؤنٹی چھنگ تیان میں 5 ویں سمندر پار چینی درآمدی اشیاء کی نمائش شروع ہوگئی۔

نمائش میں تقریباً 1 لاکھ 80 ہزار افراد کی شرکت متوقع ہے۔ اس میں 6 نمائشی علاقے بنائے گئے ہیں جن کا مجموعی رقبہ 90 ہزار مربع ہے۔ نمائش 12 سے 15 نومبر تک جاری رہے گی۔

نمائش میں وسطی اور مشرقی یورپی ممالک سے درآمد شدہ سامان، کافی مصنوعات و سازوسامان، زیبائش کی مصنوعات، گھریلو سامان اور ملبوسات رکھے گئے ہیں۔

چھنگ  تیان 146 ممالک اور خطوں میں آباد 3 لاکھ 81 ہزار سمندر پار چینی باشندوں کا آبائی شہر ہے جس نے 2018 میں چائنہ بین الاقوامی درآمدی میلے کے اثرات سے فائدہ اٹھانے کے لئے سمندر پار چینی درآمدی اشیاء نمائش شروع کر تے ہوئے ایک پلیٹ فارم مہیا کیا تھا۔

گزشتہ 4 برس میں اس منفرد نمائش نے 70 سے زائد ممالک سے 2 ہزار300 سے زائد سمندر پار نمائش کنندگان کو اپنی سمت متوجہ کرکے 4 ہزار سے زائد سمندرپار کاروباری اداروں اور 20 ہزار خریداروں کے ساتھ کاروبار کیا۔

اس کے مجموعی کاروباری لین دین کی مالیت 10 ارب یوآن (تقریباً 1.39 ارب امریکی ڈالرز) رہی۔