بیجنگ (شِنہوا)چین کی وزارت قومی دفاع پانچویں شنگھائی تعاون تنظیم (ایس سی او) کے دفاع اور سلامتی فورم کی 20 سے 29 نومبر تک میزبانی کرے گی۔

وزارت نے جمعہ کوبتایاکہ  فورم میں شنگھائی تعاون تنظیم کے رکن ، مبصر اور ڈائیلاگ پارٹنرکی حیثیت رکھنے والے ممالک کے دفاعی حکام، ماہرین اور اسکالرزشرکت  کریں گے۔ تین عالمی اقدامات اور علاقائی دفاعی وسیکورٹی تعاون کے عنوان سے ہونے والے اس فورم میں ماہرین کے لیکچرز، مباحثے اور سائٹ وزٹ شامل ہیں۔

وزارت کے مطابق فورم کا مقصد شریک ممالک کی افواج کے درمیان باہمی افہام و تفہیم اور اعتماد کو بڑھانا، ایس سی اوفریم ورک کے تحت دفاعی اور سیکورٹی تعاون کو مضبوط بنانے کے طریقوں اور ذرائع پراجتماعی تبادلہ خیال  اور غور کرنا اور ہم نصیب مستقبل کے ساتھ ایک قریبی ایس سی اوکمیونٹی کی تعمیر میں مثبت کردار ادا کرنا ہے ۔