بیجنگ(شِنہوا) چین 2024 میں گلوبل وارمنگ کی وجہ سے شدید موسمی واقعات کے پیش نظر، تباہ کن موسمی حالات کی نگرانی اور پیشگی انتباہ کی اپنی صلاحیت کو بہتربنارہا ہے ۔
بدھ کومنعقدہ قومی موسمیاتی ورک کانفرنس میں محکمہ موسمیات کے سربراہ، چھین ژین لِن نے کہا کہ موسمیاتی اداروں کو تباہ کن موسم کی پیش گوئی اور ردعمل کو بہتر بنانا چاہیے۔ انہوں نے کہا کہ پیشگی انتباہ آفات سے بچاؤ اور ریلیف کا پہلا قدم ہیں۔ رواں سال، موسمیاتی ادارے موسمی واقعات کی نگرانی کی صلاحیتوں کو بہتر بنانے، موسم کی پیش گوئی کی درستگی کو مزید بہتر کرنے اور نتائج کو مسلسل اپ ڈیٹ کرنے کے لیے کام کریں گے۔
چھین کے مطابق بارشوں اور طوفانوں کی پیش گوئی کرنے کی ملکی صلاحیت تاریخ کی بہترین سطح پر ہے۔
