بیجنگ(شِنہوا) چین مالیاتی نگرانی کو تیزاور خدمات کو بہتر بنانے اور خطرات کو روکنے اور کم کرنے کے لیے مالیاتی لیزنگ سیکٹر کے لیے مارکیٹ قوانین میں ترمیم کر رہا ہے۔

مالیاتی ریگولیشن کے قومی ادارے  نے گزشتہ روز بتایا کہ وہ 2014 میں نافذ ہونے والے مالیاتی لیزنگ کمپنیوں کے موجودہ ضابطے کے مسودے پر نظر ثانی کے بارے میں عوام کی رائے حاصل کر رہا ہے۔

نو ابواب میں 96 مضامین پر مشتمل  دستاویز کے نئے ورژن سے مالیاتی لیز نگ کمپنیوں کے لیے رسک مینجمنٹ اور آپریشن کے اصولوں میں اضافہ اور بہتری لائی گئی ہے۔

مسودہ میں مالیاتی لیزنگ کمپنیوں سے درخواست کی گئی ہے کہ وہ لیز کے مرکزی کاروبار میں واپس آئیں، مارکیٹ میں داخلے کے لیے معیارات بلند اور خطرات کی روک تھام اور کنٹرول  کو ترجیح دیں۔