بیجنگ (شِنہوا) چین میں ریلوے کے ذریعے اکتوبر میں سفر کرنے والے مسافروں میں زبردست اضافہ ہوا ہے۔

نیشنل ریلوے ایڈمنسٹریشن کی جانب سے پیر کو جاری اعداد و شمارکے مطابق، گزشتہ ماہ  ریلوے کے سفری دوروں کی تعداد گزشتہ سال کے مقابلے میں 195.6 فیصد اضافے کے ساتھ 35کروڑ16لاکھ 90 ہزار رہی۔

انتظامیہ نے کہا کہ اس سال کے پہلے 10 ماہ میں، ریل کے سفری دوروں کی تعداد گزشتہ سال کی نسبت 119 فیصد اضافے سے 3ارب28کروڑسے زیادہ رہی۔

ریل مال برداری کا حجم جو اقتصادی سرگرمیوں کا ایک اہم اشارہ ہے، اکتوبر میں گزشتہ سال کے مقابلے میں 4 فیصد بڑھ کر43کروڑ65لاکھ 60ہزار ٹن ہو گیا۔  

اکتوبر میں، ریلوے میں ملک کی فکسڈ اثاثوں کی سرمایہ کاری 572 ارب 60کروڑ یوآن (تقریباً 79 ارب 78 کروڑڈالر) تھی، جو گزشتہ سال سے 7.2 فیصد زیادہ ہے۔