ہانگژو(شِنہوا) چین کے مشرقی  صوبے ژی جیانگ کے شہر ژوشان کے شمال میں زیر سمندر 10 کلو وولٹ کی  ٹیریسٹریل کیبل  بچھادی گئی ہے جو چین میں مکمل ہونے والا اپنی نوعیت کا  پہلا منصوبہ ہے۔

ریاستی گرڈ کی مقامی شاخ کے مطابق ژوشان اور شانگ یوآن شان کے جزائر کو جوڑتے ہوئے، 1 کلومیٹر کی  ٹیریسٹریل کیبل سب میرین کیبل کے متبادل کے طور پر کام کرتی ہے، جسے لنگر انداز ہونے والے بحری جہازوں سے نقصان پہنچتا ہے۔

اس منصوبے کو ڈیزائن  کرنے والی کمپنی کے سربراہ لی ژین نے کہا کہ چین میں، جزائر کے درمیان توانائی کی ترسیل بنیادی طور پر سب میرین کیبلز کے ذریعے ہوتی ہے ٹیریسٹریل  تاریں لنگر کی گہرائی سے زیادہ نیچے دفن ہوتی ہیں، اس طرح لنگر سے ہونے والے نقصان کا خطرہ کم ہوتا ہے۔

لی نے کہا کہ اس کے علاوہ ٹیریسٹریل  تاریں کم لاگت اور تعمیر کرنے میں آسان  ہیں، جس سے وہ جزیروں کے درمیان مختصر فاصلے پر بجلی کی ترسیل کے لیے زیادہ موزوں ہیں۔