بیجنگ (شِنہوا)چین کی انسداد منشیات اتھارٹی نے متعلقہ کمپنیوں اور افراد کو متنبہ کیا ہے کہ وہ منشیات،نفسیاتی مادوں اور نشہ آور ادویات کی پیداوار کی تیاری اور اسمگلنگ سے متعلقہ غیر قانونی اور مجرمانہ سرگرمیوں سے باز رہیں۔

چائنہ نیشنل نارکوٹکس کنٹرول کمیشن کے دفتر کی طرف سے جاری کردہ سرکلر میں نان شیڈول کیمیکلز اور متعلقہ آلات کی فروخت پر بیرون ملک قانون نافذ کرنے والے اداروں کی طرف سے ملکی قوانین کے تحت عدالتی کارروائی سے بھی خبردار کیا گیا ہے۔

سرکلر میں 12 آرٹیکلز شامل ہیں جن میں نشہ آور اور سائیکو ٹراپک مادوں کے ساتھ ساتھ  فوجداری قانون اورکسٹم قانون میں منشیات کی تیاری کے لیے استعمال ہونے والے کیمیکلز کے کنٹرول سے متعلق ملکی  قوانین اور ضوابط کی دفعات کا ذکر کیاگیا ہے۔

سرکلرمیں منشیات سے متعلق خلاف ورزیوں سے بچنے کے لیے متعلقہ کاروباری اداروں بشمول ڈاک، ایکسپریس ڈیلیوری اور لاجسٹکس سروس فراہم کرنے والے اداروں اور افراد کی ذمہ داریوں کو واضح کیا گیا ہے۔