اقوام متحدہ (شِنہوا) چین نے سوڈان میں فوری جنگ بندی کا مطالبہ کیا ہے۔اقوام متحدہ میں چین کے نائب مستقل نمائندے دائی بنگ نے گزشتہ روز کہا کہ چین سوڈان میں جاری لڑائی، شہریوں کی تکالیف اور انسانی بحران پر شدید غمزدہ ہے۔
دائی بنگ نے سلامتی کونسل کو بتایا کہ تنازعہ کے دونوں فریق سعودی عرب کے شہر جدہ میں مذاکرات کے لیے واپس آ گئے ہیں۔ چین اس بات کا خیرمقدم کرتا ہے کہ فریقین نے اپنے انسانی ہمدردی کے وعدوں کا اعادہ اور باہمی اعتماد کو بڑھانے کے لیے اقدامات پر اتفاق کیا ہے۔ سفیر نے کہا کہ چین ثالثی کے عمل میں افریقی یونین اور بین الحکومتی اتھارٹی برائے ترقی کی شرکت کی حمایت اور سعودی عرب، جنوبی سوڈان، مصر اور چاڈ سمیت علاقائی ممالک کی کوششوں کا خیرمقدم کرتا ہے۔
دائی نے کہا کہ سوڈان میں امن و استحکام کی بحالی وہاں کے عوام اور عالمی برادری کی مشترکہ خواہش ہے۔ چین کو پوری امید ہے کہ دونوں فریق اپنے ملک اور عوام کے مفادات کو اولین ترجیح دیں گے، فوری جنگ بندی کرتے ہوئے معمول کی صورتحال بحال کریں گے اور اپنے ملک کی خودمختاری اور علاقائی سالمیت کے تحفظ کے لیے مل کر کام کریں۔
