بیجنگ (شِنہوا) چینی وزیر اعظم لی  چھیانگ نے ریاستی کونسل کے ایک حکم نامے پر دستخط کیے ہیں جس میں اوزون کو ختم کرنے والے مادوں سے نمٹنے کی ملکی کوششوں سے متعلق قوانین  پر نظر ثانی کے فیصلے  کو متعارف کرایا گیا ہے۔

نئے قوانین کا اطلاق یکم مارچ 2024 سے ہوگا۔

حکم نامے کے مطابق نظرثانی قوانین  میں چار اہم پہلوں کو ہدف بنایا گیا ہے۔ نظرثانی شدہ قواعد کے تحت، اوزون کے لیے خطرہ بننے والے مادوں کی تعریف کو کچھ وضاحتی الفاظ کو ہٹاتے ہوئے  تبدیل کیا گیا ہے جس سے ہائیڈرو فلورو کاربن کو کنٹرول کیا جا سکے گا۔

نظرثانی شدہ قوانین میں واضح کیا گیا ہے کہ پیداواری عمل کے دوران حادثاتی طور پر اوزون کے لیے نقصان دہ  مادوں کو پیدا کرنے والے اداروں کو مادوں کو براہ راست خارج کرنے کی بجائے انہیں محفوظ طریقے سے ضائع کرنا چاہیے۔

یہ بھی واضح کیا گیا ہے کہ وہ ادارے جو اوزون کے لیے نقصان دہ مادوں کی بڑی مقدار پیدا اور استعمال کرتے ہیں، یا وہ ادارے جو پیداواری عمل کے دوران  حادثاتی طورپراوزون  کے لیے نقصان دہ مادوں کی ایک بڑی مقدار پیدا کرتے ہیں، خودکار نگرانی کے آلات نصب کریں جو ماحولیاتی  اداروں کے مانیٹرنگ آلات سے منسلک ہوں، اور ڈیٹا کی درستگی کو یقینی بنائیں۔

نظرثانی شدہ قوانین میں غیر قانونی کاموں  پر مزید سخت سزاوں کی بھی وضاحت کی گئی ہے۔