جینان(شِنہوا)چین کے مشرقی صوبے  شان ڈونگ میں مجموعی طور پر 161 قدیم مقبرے دریافت کئے گئے ہیں۔

جینان کے آثار قدیمہ کے انسٹی ٹیوٹ کے مطابق ان مقبروں کا تعلق متحارب ریاستوں کے عہد (475سے 221 قبل مسیح) سے لے کر منگ اور چھنگ عہد (1368 سے1911) تک  کے مختلف ادوار سے ہے، جن میں سے زیادہ تر کا تعلق متحارب ریاستوں کے عہد کے  درمیانی اور آخری ادوار سے ہے۔

مقبروں کے علاوہ، کھدائی کے دوران دیگر کھنڈرات، جن میں راکھ کے گڑھے، بھٹے اور کنویں بھی شامل ہیں،دریافت ہوئے جہاں سے مٹی کے برتن، سیرامک کے پیالے اور تانبے کے سکوں جیسے 300 سے زائد نوادرات ملے۔