بیجنگ (شنہوا) چین میں  پالیسی  تعاون سے مارکیٹ نے مضبوط ترقیاتی لچک کا مظاہرہ کیا جس کی بدولت استعمال شدہ گاڑیوں کی فروخت میں 2023 میں 14.88 فیصد اضافہ ہوا۔

چائنہ آٹوموبائل ڈیلرز ایسوسی ایشن کے مطابق گزشتہ سال ملک میں ایک کروڑ 84لاکھ 10ہزار سے زیادہ استعمال شدہ گاڑیوں کا کاروبار ہوا جس کی کل لین دین کی مالیت 11.8  کھرب یوآن (تقریباً 165.81 ارب ڈالر) کے قریب تھی۔

ایسوسی ایشن نے کہا کہ 2023 میں چین کی استعمال شدہ گاڑیوں کی مارکیٹ نے مضبوط لچک دکھائی، لین دین کے پیمانے کو وسعت دی گئی اور اس شعبے میں رکاوٹوں کو دور کرنے کے پالیسی اقدامات کی حمایت کے تحت کراس ریجنل گردش میں مسلسل بہتری آئی۔

ایسوسی ایشن نے ملک کے آٹوموبائل کے ذخائر کو فعال کرنے، نئی کاروں کی کھپت کو تحریک دینے اور مختلف سطحوں پر صارفین کی طلب کو پورا کرنے میں مارکیٹ کے اہم کردار پربھی  زور دیا۔