تیان جن (شِنہوا) چین کے شمالی شہر تیان جن کو عالمی کھپت مرکز شہر بنانے کی کوششیں تیز کرنے بارے 5 سالہ عملدرآمد پروگرام جاری کردیا گیا ہے۔

منصوبہ 24 اہم اقدامات پر ہے جس کے تحت تیان جن اگلے 5 سال عالمی کھپت وسائل کی مرکزی جگہ ، عالمی کھپت اور مقامی سیاحت کے لئے ایک مقام بن جائے گا۔

تیان جن میں 2025 تک اشیائے صرف کی سالانہ خوردہ فروخت مجموعی طور پر 500 ارب یوآن (تقریباً 70.3 ارب امریکی ڈالرز) سے زائد ہوجائے گی اور شہر کا ہر سال 30 کروڑ ملکی اور غیرملکی سیاح دورہ کریں گے۔

منصوبے کے تحت 2027 تک اشیائے صرف کی سالانہ خوردہ فروخت 2022 کی نسبت دوگنا ہوجائے گی اور اس شہر میں ہرسال 32 کروڑ مقامی و غیرملکی سیاح آئیں گے۔

تیان جن یہ اہداف حاصل کرنے کے لئے متعدد اقدامات کرے گا جن میں تاریخی کاروباری اضلاع کی تعمیر، عالمی نمائشی تقریبات کا انعقاد، معاون سہولیات بہتر کرنا اور معیاری خدمات کی فراہمی شامل ہیں۔

چین نے 2021 میں شنگھائی ، بیجنگ ، گوانگ ژو ، تیان جن اور چھونگ چھنگ کو بین الاقوامی کھپت مرکز شہروں کی تعمیر میں قائدانہ کردار ادا کرنے کی منظوری دی۔