ہیفے (شِنہوا) چینی کار ساز گروپ  جے اے سی نے سوڈیم آئن بیٹری سے چلنے والی ملک کی پہلی بڑے پیمانے پر تیار کی جانے والی نئی الیکٹرک گاڑی ( این ای وی) کی ترسیل کا اعلان کیا ہے۔

ماڈل، یی وئے  برانڈ کے تحت اس ماڈل کی گاڑی میں  ایچ آئی این اے بیٹری ٹیکنالوجی کی جانب سے فراہم کردہ  سوڈیم آئن سلنڈر سیلز لگایا گیا ہے۔ گاڑی کے بیٹری پیک کی صلاحیت 23.2 کلو واٹ گھنٹہ ہے، جس سے 230 کلومیٹر تک کی ڈرائیو کی جاسکتی ہے۔

جے اے سی گروپ کے ٹیکنالوجی سپروائزر لیو شولونگ نے کہا کہ عام طور پر استعمال ہونے والی لیتھیم آئن بیٹریوں کے مقابلے میں، سوڈیم آئن بیٹریاں خام مال کے وافر ذخائر، بہترین کم درجہ حرارت کی کارکردگی، اعلی موصلیت، تیز چارجنگ زیادہ توانائی کی کثافت کی صلاحیت اور محفوظ نقل و حمل جیسے فوائد کی حامل ہیں۔

جے اے سی گروپ کے ڈپٹی چیف انجینئر شیا شونلی نے  بتایا کہ گروپ اس سال کی دوسری ششماہی میں یی وئے برانڈ کے تحت 300 کلومیٹر کی رینج والی سوڈیم آئن بیٹری  سے چلنے والی گاڑی مارکیٹ میں متعارف کرانے کا ارادہ رکھتا ہے۔