شی آن(شِنہوا)چین کے شمال مغربی صوبہ شانشی میں رواں سال کے پہلے سات مہینوں میں براہ راست غیر ملکی سرمایہ کاری (ایف ڈی آئی) گزشتہ سال کی نسبت  26.4 فیصد بڑھ کر 88 کروڑ ڈالر تک پہنچ گئی۔

 منگل کو صوبائی محکمہ تجارت کے مطابق تیسرے درجےکی صنعت میں ایف ڈی آئی گزشتہ سال کی نسبت39.13 فیصد بڑھ کر 53 کروڑ70 لاکھ ڈالر تک پہنچ گئی۔

لیزنگ اور کاروباری خدمات کےشعبوں نے ایف ڈی آئی  میں19 کروڑ 70 لاکھ ڈالر کا حصہ ڈالا جبکہ ہول سیل اور ریٹیل سیلز سیکٹرز کا حصہ 13 کروڑ 20 لاکھ ڈالرز رہا۔

اس عرصے کے دوران غیر ملکی فنڈز سے چلنے والی مجموعی طور پر 215 کمپنیاں رجسٹر ہوئیں جو گزشتہ سال کی نسبت 35.22 فیصد زیادہ ہیں۔ ان میں سے 180 کمپنیاں تیسرے درجے کی صنعت سے تھیں جس سے گزشتہ سال کی نسبت  33.33 فیصد کا اضافہ ظاہر ہوتا ہے۔

صوبے کے ایف ڈی آئی کے بڑے ذرائع میں سنگاپور، برطانیہ، فرانس اور جمہوریہ کوریا  نمایاں رہے۔