شین ژین (شِنہوا) چین کے نائب وزیر اعظم ژانگ گو چھنگ نے سیلاب کے موسم کے دوران حفاظت کو یقینی بنانے اور صنعتی و سپلائی چین کی حفاظت کے لئے پیداوار میں آزادانہ جدت سازی کو فروغ دینے کے لئے کوششوں پر زور دیا ہے۔
کمیونسٹ پارٹی آف چائنہ کی مرکزی کمیٹی کے سیاسی بیورو کے رکن ژانگ نے یہ بات چین کے جنوبی صوبہ گوانگ ڈونگ میں ایک تحقیقی دورے کے دوران کہی۔
اتوار سے منگل تک پشتوں اور فلڈ گیٹس کے دورے کے دوران ژانگ نے پرل ریور بیسن میں سیلاب کے بارے میں معلومات حاصل کیں اور پشتوں کی مضبوطی اور تزئین و آرائش اور شہری سیلاب کنٹرول اور نکاسی آب کے لئے ہنگامی ردعمل کا معائنہ کیا۔
انہوں نے موجودہ سیلاب کے موسم کے دوران انتہائی چوکس رہنے، بارشوں اور سیلاب کی نگرانی اور پیش گوئی کرنے، بین العلاقائی معلومات کے تبادلے کو مضبوط بنانے اور ہنگامی حالات میں ہلاکتوں سے بچنے کے لئے فیصلہ کن اقدامات کرنے پر زور دیا۔
ژانگ نے غیر مساوی بارشوں کے حوالے سے سیلاب پر قابو پانے اور خشک سالی سے بچاؤ اور خشک سالی والے علاقوں میں پینے اور صنعتی و زرعی پیداوار کے لیے پانی کو یقینی بنانے کے لیے مربوط کوششوں پر بھی زور دیا۔
گوانگ ژو اور شین زین میں ژانگ نے انٹیلی جنس ، مواصلاتی وطبی آلات کے مینوفیکچرنگ اداروں کا دورہ کیا تاکہ ان کی آزادانہ جدت سازی کی کوششوں بارے جان سکیں۔
ژانگ نے زور د یتے ہو ئے کہا کہ ایک طاقتور مینوفیکچرنگ ملک کی تعمیر اور اعلٰی معیار کی ترقی کے حصول کے لئے آزاد انہ جدت سازی ایک فطری ضرورت ہے۔ انہوں نے مزید کہا کہ کاروباری اداروں کو جدت سازی میں غالب ہونے کی اپنی ذمہ داری کو بہتر طور پر قبول کرنا چاہئے۔
ژانگ نے کہا کہ کاروباری اداروں کو ملک کی بنیادی اسٹریٹجک ضروریات اور جدید صنعتی نظام کی تعمیر پر توجہ مرکوز کرنی چاہئے ، صنعتی ترقی اور تکنیکی تبدیلیوں کے رجحان پر نظر رکھنی چاہئے ، بنیادی تحقیق کو مضبوط بنانا چاہئے اور آزاد انہ جدت سازی کے لئے ماحول کو مسلسل بہتر بنانا چاہئے۔
