بیجنگ (شِنہوا) چینی وزیراعظم لی چھیانگ نے ملک میں اناج کی موثرفراہمی کو یقینی بنانے کے لیے زرعی پانی کے تحفظ کی سہولیات کی تعمیر اور کھیتوں کی اعلیٰ معیاری ترقی کے لیے کوششوں پر زور دیا ہے۔ کمیونسٹ پارٹی آف چائنہ کی مرکزی کمیٹی کے پولیٹیکل بیورو کی اسٹینڈنگ کمیٹی کے رکن وزیر اعظم لی نے ان خیالات کااظہار کھیتوں اور پانی کے تحفظ سے متعلق اپنی حالیہ ہدایات میں کیا۔ وزیراعظم لی نے کہا کہ کھیتی باڑی کی ترقی چین کے لیے اپنے اناج کی  موثر فراہمی کی جامع ضمانت کے لیے ایک کلیدی اقدام ہے، لی نے اناج اور دیگر اہم زرعی مصنوعات کی مستحکم فراہمی کو یقینی بنانے میں اعلیٰ معیاری کھیتی باڑی اور پانی کے تحفظ کی سہولیات کی تعمیر پر زور دیا۔ انہوں نے متعلقہ منصوبوں کے معیار اور حفاظت کو یقینی بنانے کے لیے مالیاتی فنڈ سپورٹ کو بڑھانے، سرمایہ کاری ذرائع کو متنوع بنانے اور نگرانی کے نظام کو بہتر بنانے کا بھی مطالبہ کیا۔  لی نے کہا کہ زرعی شعبے کو متاثر کرنے والی آفات کی روک تھام اور ان میں تخفیف کے لیے ملک کی صلاحیت کو مضبوط بنانے، کھیتی کی زمین کے معیار کو مسلسل بہتر بنانے اور چین کو ایک مضبوط زرعی شعبے کے ساتھ ملک بنانے کی بنیاد رکھنے کی بھی کوشش کی جانی چاہیے۔