لزبن (شِنہوا) اقوام متحدہ کے ایک اعلیٰ ڈیجیٹل عہدیدار نے کہا  ہے کہ چین عالمی ڈیجیٹل تقسیم سے نمٹنے میں ایک نمایاں حیثیت کا حامل ہے۔

اقوام متحدہ کے ترقیاتی پروگرام (یو این ڈی پی) کے چیف ڈیجیٹل آفیسر رابرٹ اوپ نے  شِںہوا کو بتایا کہ اس چیلنج سے نمٹنے میں اختراع اور ٹیکنالوجی بہت اہم ہیں۔

پرتگال کے شہر لزبن میں منعقدہ ویب سمٹ میں شِنہوا کو دیئے گئے ایک انٹرویو میں اوپ نے کہا کہ چین واضح طور پر ٹیکنالوجی کا مرکز ہے اور ٹیکنالوجی کو زیادہ سستی اور دستیاب بنانے کے جدید یا نئے طریقے تلاش کررہا ہے۔ ہم یہ بھی دیکھتے ہیں کہ ڈیجیٹل ٹیکنالوجی کس طرح سبز منتقلی کو چلاسکتی ہے۔

اقوام متحدہ کی پائیدار ترقی کی عالمی تنظیم یو این ڈی پی غربت اور عدم مساوات کے خاتمے اور موسمیاتی تبدیلی سے نمٹنے کے لیے 170 ممالک میں کام کر رہی ہے۔

 13 سے 16 نومبر تک منعقدہ سربراہ اجلاس میں اوپ نے کہا کہ  چین میں ٹیکنا لوجی کے میدان میں ہونے والی اختراع شمسی پینلز کی ری سائیکلنگ  یا کم لاگت بجلی کے پیداواری طریقوں کی تلاش بارے ملک کو پائیدار ترقیاتی اہداف (ایس ڈی جیز) کی سمت پیشرفت میں مدد دے سکتی ہے۔

انہوں نے مزید کہا کہ ہمارے پاس چھنگ دو میں ایک اختراع لیب ہے جو 21 ویں صدی کے تیزی سے ابھرتے ہوئے ترقیاتی مسائل سے نمٹنے میں سائنس، ٹیکنالوجی اور جدید مالیات کا استعمال جانتی ہے جس سے پائیدار ترقیاتی اہداف بارے باشعور نوجوان کاروباری افراد پیدا کرنے میں مدد مل رہی ہے۔