نانجنگ (شِنہوا) چائنہ انرجی انویسٹمنٹ کارپوریشن (چائنہ انرجی) کی مشرقی صوبے  جیانگ سو میں کوئلے سے بجلی پیدا کرنے کے شعبے کے لیے ایشیا کی سب سے بڑی کاربن کیپچر، یوٹیلائزیشن اور سٹوریج (سی سی یو ایس) سہولت نے کام شروع کر دیا ہے۔

چائنہ انرجی نے جمعہ کو کہا کہ یہ سہولت، اس کے تائیژو کے کول پاور پلانٹ میں ایک جنریشن یونٹ سے منسلک ہے، جو ہر سال 5 لاکھ  ٹن کاربن ڈائی آکسائیڈ اکٹھی کرے گی۔

چائنہ انرجی جیانگ سو برانچ کے صدر جی منگ بِن نے کہا کہ پروجیکٹ کے ٹرائل رن کے دوران، سی سی یو ایس سسٹم نے قابل اعتماد کارکردگی اور اعلیٰ حفاظتی معیارات کا مظاہرہ کیا اور توانائی کے موثر استعمال کے اشارے اور مصنوعات کا معیار ڈیزائن کردہ سطح پر یا اس سے بھی بہتر رہا۔ انہوں نے بتایا کہ کاربن ڈائی آکسائیڈ کی پیدا اور  اکٹھی کی جانے والی  مقدار استعمال کی جاسکے گی کیونکہ کمپنی نے پہلے ہی آٹھ فرموں کے ساتھ معاہدے کر لیے ہیں۔