بیجنگ (شِنہوا) چین کی بجلی کی پیداوار اکتوبر میں گزشتہ سال کے مقابلے میں  5.2 فیصد بڑھ کر704ارب 40کروڑ کلو واٹ گھنٹے تک پہنچ گئی ہے۔

قومی ادارہ شماریات  کی جانب سے بدھ کو جاری اعداد و شمار کے مطابق تھرمل پاور، ہائیڈرو پاور اور سولر پاور کی پیداوار میں بالترتیب 4 فیصد، 21.8 فیصد اور 15.3 فیصد سالانہ اضافہ ہوا۔ جوہری توانائی کی پیداوار 0.2 فیصد اور ہوا سے بجلی کی پیداوار میں 13.1 فیصد کمی واقع ہوئی۔

پہلے دس ماہ میں، ملک کی بجلی کی پیداوار ایک سال پہلے کے مقابلے میں 4.4 فیصد بڑھ کر تقریباً73کھرب 30ارب کلو واٹ گھنٹے تک پہنچ گئی۔