بیجنگ(شِنہوا) چین کی عوامی سیاسی مشاورتی کانفرنس کی ہونان کی صوبائی کمیٹی کے سابق نائب چیئرمین یی پھینگ فی پر رشوت خوری اور اختیارات کے ناجائز استعمال کے الزام میں فرد جرم عائد کر دی گئی ہے۔
سپریم پیپلز پروکیوریٹوریٹ نے جمعہ کو کہا کہ نیشنل کمیشن آف سپرویژن کی تحقیقات کی تکمیل پر یی کا مقدمہ چین کےجنوبی گوانگشی ژوانگ خودمختار علاقے کے لی ژو کے پیپلز پروکیوریٹوریٹ نے شہر کی انٹرمیڈیٹ عوامی عدالت میں دائر کیا ہے۔
استغاثہ نےیی پرالزام لگایا کہ انہوں نےہونان میں اپنے مختلف عہدوں کا فائدہ اٹھاتے ہوئے دوسروں کے لیے منصوبوں کے ٹھیکوں، بزنس آپریشن، فنڈ کی درخواست اور عملے کی ترقیوں میں مدد کی اور اس کے بدلے میں بڑی رقم اور قیمتی چیزیں وصول کیں۔
استغاثہ نے مدعا علیہ کو ان کے قانونی چارہ جوئی کے حقوق سے آگاہ کیا،پوچھ گچھ کی، اور وکیل ِدفاع کے دلائل سنے۔
