بیجنگ(شِنہوا) چین میں کالج سے فارغ التحصیل افراد کو ملازمت فراہمی میں مدد کے لیے وزارت برائے انسانی وسائل وسماجی تحفظ نےمنگل کو 100 روزہ بھرتی مہم کا آغاز کیا ہے۔

وزارت کے مطابق، 1کروڑ سے زیادہ ملازمت کے مواقع فراہم کرنے کے مقصد کے تحت ، اس مہم  میں  فارماسیوٹکس، انفارمیشن ٹیکنالوجی، جدید مینوفیکچرنگ اورماحولیاتی تحفظ جیسے کلیدی شعبوں کی سب سے زیادہ طلب کی جانے والی ملازمتوں پر توجہ مرکوز کی جائے گی۔  مہم  کے تحت ان علاقوں میں مخصوص جاب فیئرز کے انعقاد میں سہولت فراہم کی جائے گی جہاں گریجویٹوں کی بڑی تعداد اور ملازمتوں کی زیادہ مانگ ہے۔وزارت کے مطابق روزگار کی خدمات فراہم کرنے والوں، صنعتی انجمنوں اور کمپنیوں کی شرکت کے ساتھ، مختلف آن لائن پلیٹ فارم شروع کیے جائیں گے تاکہ ریئل ٹائم بھرتی کی معلومات شائع  اور لائیو سٹریمڈ جاب فیئرز کا انعقاد  کیا جاسکے ۔