جیو چھوان (شِنہوا) چین نے شمال مغربی جیو چھوان سیٹلائٹ لانچ سینٹر سے  جمعرات کے روز ایک نیا ریموٹ سینسنگ سیٹلائٹ خلا میں بھیجا ہے۔

یاؤگان۔33 صفر3 نامی سیٹلائٹ کو بیجنگ کے وقت کے مطابق قبل از سحر 2 بج کر 14 منٹ پر لانگ مارچ۔ 4 سی کیریئر راکٹ کے ذریعے لانچ کیا گیا اور یہ کامیابی کے ساتھ مدار میں داخل ہو چکا ہے۔

اسے سائنسی تجربات، زمینی وسائل کے سروے، فصل کی پیداوار کا تخمینہ، اور آفات کی روک تھام اور ریلیف کے لئے استعمال کیا جائے گا۔

یہ لانگ مارچ سیریز کے کیریئر راکٹس کا 486 واں پرواز مشن تھا۔