بیجنگ (شِنہوا) چین  کی گزشتہ سال کے پہلے 11 ماہ میں زرعی پیداوار کی غیر ملکی تجارت میں  گزشتہ سال کے مقابلے میں 0.4 فیصد اضافہ ہوا۔

وزارت زراعت ودیہی امور کے مطابق، اس مدت کے دوران ملک کی زرعی پیداوار کی درآمدات اور برآمدات کی کل مالیت 302 ارب 96 کروڑ ڈالر رہی۔

مذکورہ مدت میں  زرعی پیداوار کی برآمدات  گزشتہ سال سے0.7 فیصد بڑھ کر 89ارب 54کروڑ ڈالر تک پہنچ گئیں، جب کہ درآمدات 213 ارب42 کروڑ ڈالر رہیں جو ایک سال پہلے کے مقابلے میں 0.2 فیصد زیادہ ہیں۔

اعداد و شمار  کے مطابق اسی مدت میں زرعی پیداوار کے لیے چین کا غیر ملکی تجارتی خسارہ 123ارب88کروڑ ڈالر تک پہنچ گیا، جو  گزشتہ سال سے0.1 فیصد کم ہے۔