بیجنگ (شِنہوا) چین کی عوامی سیاسی مشاورتی کانفرنس (سی پی پی سی سی) کی 14ویں قومی کمیٹی کی ساتویں چیئرپرسن کونسل کا اجلاس بیجنگ میں منعقد ہوا۔

کمیونسٹ پارٹی آف چائنہ کی مرکزی کمیٹی کے سیاسی بیورو کی قائمہ کمیٹی کے رکن اور سی پی پی سی سی کی قومی کمیٹی کے چیئرمین وانگ ہوننگ نے اجلاس کی صدارت اور اظہار خیال کیا۔

وانگ نے سی پی پی سی سی کی قومی کمیٹی پر زور دیا کہ وہ  تفصیلی تحقیق اور جائزہ کے ساتھ اور فعال طور پر مشاورت اور غور کرتے ہوئے مستحکم اقتصادی ترقی کو یقینی بنانے کے لیے حکمت اور طاقت سے کام لے۔

ملک کے مجموعی سفارتی ایجنڈے پر توجہ مرکوز کرنے، سفارتی تبادلوں میں  سی پی پی سی سی کے فعال کردار پر زور دیتے ہوئے انہوں نے کہا کہ سی پی پی سی سی کے اراکین کو چین کی کامیابیوں کو بہتر طور سے  پیش کرنے کی ترغیب دی جانی چاہئے۔

وانگ نے سی پی پی سی سی کی قومی کمیٹی پر زور دیا کہ وہ قومی سلامتی کے تحفظ کے لیے مزید بہتر تجاویز اور منصوبے پیش کرے۔