بیجنگ(شِنہوا) چین کے کورئیر سیکٹر میں رواں سال 31 مئی تک ترسیل کا حجم 50 ارب پارسل سے زائد ریکارڈ کیا گیا جو ملک کی اقتصادی قوت کا آئینہ دار ہے۔

سٹیٹ پوسٹ بیورو (ایس پی بی ) کے مطابق یہ سنگ میل 2019 میں کوویڈ -19 کی وبا پھیلنے سے پہلے کے عرصے کے مقابلے 155 دن پہلے عبورکیا گیا جبکہ یہ ہدف 2022 کے مقابلے میں بھی 27 دن پہلے حاصل ہوا ہے۔

 بیورو کے مطابق ملکی طلب کو بڑھانے کے لیے سازگار پالیسیوں کے تحت ڈاک اور ایکسپریس ترسیل کی صنعت بتدریج قومی اقتصادی ترقی کو چلانے والی ایک اہم قوت بن گئی ہے۔