بیجنگ(شِنہوا) دنیا کے سب سے بڑے درآمدی وبرآمدی میلوں میں سے ایک چین کے کینٹن  میلے کا134واں سیشن 15 اکتوبر سے 4 نومبر تک جنوبی صوبے گوانگ ڈونگ کے دارالحکومت گوانگ ژومیں منعقد ہوگا،جس میں دنیا بھر سےکاروباری ادارے اور خریدار شرکت کریں گے۔

 نائب وزیر تجارت گوو تھنگ تھنگ نے جمعرات کو ایک پریس کانفرنس میں بتایا کہ میلے کا آن لائن پلیٹ فارم ایک ہی وقت میں نمائش کنندگان اور خریداروں کے لیے خدمات پیش کرے گا۔

  گو نے مزید کہا کہ گزشتہ ایڈیشن کے مقابلے میں، اس سال نمائشی رقبے کو 50ہزار مربع میٹر تک بڑھایا جائے گا اور شرکاء کی تعداد میں بھی اضافہ متوقع ہے۔

1957 میں شروع کیے گئے سال میں دو بار منعقد ہونے والے اس میلے کو چین کی غیر ملکی تجارت کا ایک بڑا پیمانہ سمجھا جاتا ہے۔