لاس اینجلس (شِنہوا)  19 واں چین امریکہ فلم فیسٹیول اور چینی امریکن ٹیلی ویژن فیسٹیول گزشتہ روز لاس اینجلس میں شروع ہوگئے۔

شیرٹن لاس اینجلس سان گیبریل میں ہونے والی اس ثقافتی تقریب میں تقریباً 1ہزارشرکا شریک ہیں جس کا مقصد فلم اور ٹیلی ویژن کی صنعت میں تبادلوں اور چین امریکہ تعاون کو فروغ دینا ہے۔

   اس سال کے فیسٹیولز کے لیے 500 سے زیادہ فلم اور ٹیلی ویژن کی انٹریزموصول ہوئی ہیں۔ ایونٹ میں 10 فلموں نے گولڈن اینجل ایوارڈ جیتا، جن میں "نو مور بیٹس،" "لوسٹ ان اسٹارز،" "ہڈن بلیڈ،" "مینیفسٹو" اور "فیس ان دی کراؤڈ" شامل ہیں۔

بہترین فلم کا ایوارڈ "دی وینڈرنگ ارتھ II" کو دیا گیا، جبکہ بہترین چین امریکہ مشترکہ پروڈکشن فلم کا ایوارڈ "دی میگ 2: دی ٹرینچ" کو ملا۔

چار امریکی فلموں نے چین میں سب سے زیادہ مقبول یو ایس فلم کا ایوارڈ جیتا، جن میں ڈزنی پکچرز کی "اوتار: دی وے آف واٹر" اور "گارڈینز آف دی گلیکسی والیوم 3،  یونیورسل پکچرز کی " فاسٹ ایکس، پیراماؤنٹ پکچرز کی  "ٹرانسفارمرز: رائز آف دی بیٹس" اور سونی پکچرز کی "اسپائیڈر مین: ایکروس دی اسپائیڈرورس شامل ہیں۔