بیجنگ(شِنہوا)چینی مین لینڈ اور تائیوان کے درمیان تجارتی حجم 2023 میں 267.8 ارب ڈالر کی بلند سطح تک پہنچ گیا۔

چینی ریاستی کونسل کے تائیوان کے امور کے دفتر کے ترجمان چھن بین ہوا نے سرکاری اعدادوشمار کا حوالہ دیتے ہوئے کہا کہ چینی مین لینڈ، جزیرے کے لیے تجارتی سرپلس کا سب سے بڑا ذریعہ ہے۔

گزشتہ سال کے پہلے 11 مہینوں میں مین لینڈ پر تائیوان کے کاروباروں کے لیے سرمایہ کاری کے 6 ہزار 936 نئے منصوبوں کی منظوری دی گئی جو گزشتہ سال کی نسبت 26.8 فیصد  زائد ہے۔ چھن کے مطابق تائیوان کی استعمال میں لائی گئی سرمایہ کاری میں گزشتہ سال کی بنیاد پر 39.9 فیصد اضافہ ہوا جو 2.69 ارب ڈالر تک پہنچ گئی۔

چھن نے کہا کہ جیسے جیسے آبنائے تائیوان پار صنعتی تعاون گہرا ہوتا جا رہا ہے،  ویسے ہی تائیوان کے کاروباری ادارے اور کاروباری افراد مین لینڈ پر اپنی سرمایہ کاری اور ترقی پر مضبوط اعتماد ظاہر کر رہے ہیں۔