بیجنگ (شِںہوا) 2023 کے دوران چین کی اشیاء کی مجموعی درآمد اور برآمد میں یوآن کے اعتبار سے گزشتہ برس کی نسبت 0.2 فیصد اضافہ ہوا۔

جنرل ایڈمنسٹریشن آف کسٹمز کے مطابق 2023 کے دوران ملک کی بیرونی تجارت 417.6 کھرب یوآن (تقریباً 58.7 کھرب امریکی ڈالر) تھی۔

اعداد و شمار کے مطابق برآمدات 0.6 فیصد اضافے سے 237.7 کھرب یوآن جبکہ درآمدات ایک سال قبل کے مقابلے میں 0.3 فیصد کم ہوکر 179.9 کھرب یوآن رہی۔

جی اے سی کے نائب سربراہ وانگ لنگ جون نے ایک پریس کانفرنس میں بتایا کہ یہ اعدادوشماو اس بات کا اظہار ہے کہ چین کی برآمدی مصنوعات کو اب بھی ٹھوس مسابقتی فوائد حاصل ہیں۔

شمسی ، لیتھیم آئن بیٹریاں اور الیکٹرک گاڑیاں جیسے ٹیکنالوجی پر مبنی سبز اشیاء کی مجموعی برآمدی مالیت 2023 میں 29.9 فیصد اضافے سے 10.6 کھرب یوآن رہی ۔ یہ پہلا موقع تھا جب انہوں نے 10 کھرب کا ہندسہ عبور کیا ہے۔

اس عرصے کے دوران مشینری اور الیکٹرانک مصنوعات کی برآمدی مالیت میں 2.9 فیصد اضافہ ہوا جبکہ بحری جہازوں کی برآمدات گزشتہ برس کے مقابلے میں 35.4 فیصد بڑھی۔

وانگ نے بیلٹ اینڈ روڈ انیشی ایٹو میں شریک ممالک کے ساتھ مجموعی بیرونی میں تجارت اضافے کا ذکر بھی کیا ۔

گزشتہ برس ان ممالک کے ساتھ چین کی تجارت مجموعی تجارت کا 46.6 فیصد تھی جو 2022 کے مقابلے میں 1.2 فیصد زائد ہے۔