چین، شمال مشرقی صوبہ حئی لونگ جیانگ کے فو جیان شہر میں دھان کے چاول بارے ٹیکنالوجی کے نمونہ پارک کے جدید زرعی اطلاعات خدمات مرکز میں عملے کا ایک رکن کام کررہا ہے۔ (شِںہوا)

بیجنگ (شِںہوا) چین کے انٹرنیٹ آف تھنگز شعبہ میں آمدہ سالوں کے دوران مستحکم توسیع متوقع ہے اور 2026 تک ملک میں انٹرنیٹ آف تھنگز کنکشنز کی تعداد 10.25 ارب کے قریب پہنچ جائے گی۔

گلوبل مارکیٹ ریسرچ فرم انٹرنیشنل ڈیٹا کارپوریشن کی رپورٹ میں بتایا گیا ہے کہ ان کنکشنز میں سب سے بڑا حصہ کھپت کے شعبے کا ہوگا جس میں اسمارٹ ہوم اور ویئرایبل آلات کے شعبے میں ترقی زیادہ ہوگی۔

رپورٹ کے مطابق 2026 تک کھپت سے متعلق انٹرنیٹ آف تھنگز کنکشنز کی تعداد تقریباً 5.98 ارب ہونے کی توقع ہےجبکہ مینوفیکچرنگ اور عوامی سہولیات شعبوں میں ان کی تعداد بالترتیب 30 کروڑ اور 2.2 ارب ہوگی۔

انٹرنیشنل ڈیٹا کارپوریشن نے آمدہ سالوں میں صحت کی نگہداشت اور تعلیم کی صنعتوں میں انٹرنیٹ آف تھنگز کنکشنز میں توسیع کی شرح دو ہندسوں میں رہنے کی پیش گوئی کی ہے۔

چین نے اپنے ڈیجیٹل انفراسٹرکچر کو 2025 تک عالمی معیار کے تحت ترقی یافتہ بنانے کا عہد کیا ہے جس کی نمائندگی 5 جی ، انٹرنیٹ آف تھنگز ، کلاؤڈ کمپیوٹنگ اور صنعتی انٹرنیٹ کرتے ہیں۔

ملک انٹرنیٹ آف تھنگز اور دیگر نئی نسل کی اطلاعاتی ٹیکنالوجیز کے درمیان باہمی ربط کو تیز کرنے کے لئے مستحکم بنیادوں پر اقدامات کررہا ہے۔