کُن منگ(شِنہوا)5ویں عالمی میڈیا سمٹ (یوننان، چین) اور دوسرے یوننان بین الاقوامی کمیونیکیشن فورم کی افتتاحی تقریب منگل کو  چین کے جنوب مغربی صوبہ یوننان کے شہر کُن منگ میں منعقد ہوئی۔

افتتاحی تقریب سے خطاب کرتے ہوئے کمیونسٹ پارٹی آف چائنہ کی یوننان کی صوبائی کمیٹی کے سیکرٹری وانگ نِنگ نے کہا کہ حالیہ برسوں میں یوننان کی کوریج کرنے والے بین الاقوامی ذرائع ابلاغ کے ذریعے یوننان کو باقی دنیا کے قریب لایا گیا ہے۔

اس بات کا ذکر کرتے ہوئے کہ صوبہ ایک قابل بھروسہ، دلکش اور قابل احترام چین کو سمجھنے کا ایک ذریعہ ہے، وانگ نے مہمانوں کی حوصلہ افزائی کی کہ وہ اس سمٹ سے فائدہ اٹھاتے ہوئے اس جگہ کے بارے میں مزید دلچسپ کہانیاں دریافت کریں۔

شِنہوا نیوز ایجنسی کے چیف ایڈیٹر لیو یان سونگ نے اپنی کلیدی تقریر میں کہا کہ شِنہوا نے چینی جدیدیت کی پیشرفت اور فلسفہ کو دکھانے کے لیے تفصیلی خبریں پیش کیں، نئے دور میں چین کی ترقی اور کامیابیوں کی کہانیاں بیان کیں اور دنیا بھر کے ممالک کی جدیدیت کے سفر میں انکی عملی کوششوں کے بارے میں رپورٹ کیا۔

انہوں نے مشترکہ کوششوں کے ذریعے پورے انسانی معاشرے کی جدید یت کو آگے بڑھانے کے لیے دنیا بھر کی میڈیا تنظیموں کے ساتھ تعاون اور گہری مفاہمت کو بڑھانے کی امید ظاہر کی۔

چین میں اقوام متحدہ کے ریذیڈنٹ کوآرڈینیٹر سدھارتھ چٹرجی نے ویڈیو کے ذریعے تقریب سے خطاب کیا۔ روزیہ سیگودنیا انٹرنیشنل میڈیا گروپ کے ڈائریکٹر جنرل دمتری کسلیف اور دیگر بین الاقوامی مہمانوں نے بھی تقریب میں اپنے تاثرات پیش کیے۔ ان مقررین نے اس بات پر اتفاق کیا کہ میڈیا کی تہذیبوں کے درمیان تبادلے اور باہمی سیکھنے کو فروغ دینے کے ساتھ ساتھ انسانی معاشرے پر جدیدیت کے ادراک میں اہم ذمہ داریاں عائد ہوتی ہیں۔