بیجنگ (شِنہوا) چینی صدر شی جن پھنگ نے کہا کہ چین اعلیٰ معیار کے بیلٹ اینڈ روڈ تعاون کے مشترکہ حصول میں عوام سے عوام کے تبادلے میں معاونت کرے گا۔
بیجنگ میں تیسرے بیلٹ اینڈ روڈ فورم برائے بین الاقوامی تعاون کی افتتاحی تقریب سے خطاب میں چینی صدر شی جن پھنگ نے کہا کہ چین بیلٹ اینڈ روڈ انیشی ایٹو کے شراکت دار ممالک کے ساتھ تہذیبوں پر بات چیت کے فروغ کے لئے لیانگ ژو فورم کی میزبانی کرے گا۔
چینی صدر کے مطابق شاہراہ ریشم بین الاقومی لیگ برائے تھیٹرز، شاہراہ ریشم بین الاقوامی فنون میلہ ، شاہراہ ریشم عجائب گھروں کا بین الاقوامی اتحاد، شاہراہ ریشم بین الاقوامی اتحاد برائے فنون عجائب گھر اور شاہراہ ریشم بین الاقوامی کتب خانہ اتحاد قائم کیا گیا ہے ۔ چین اس کے علاوہ شاہراہ ریشم کے شہروں کے درمیان بین الاقوامی سیاحتی اتحاد بھی قائم کرے گا۔
انہوں نے کہا کہ چینی حکومت کا شاہراہ ریشم وظائف پروگرام بھی جاری رہے گا۔
