بیجنگ(شِنہوا)عالمی انٹرنیٹ کانفرنس 2023(ڈبلیو آئی سی) ووژین سمٹ 8 سے 10 نومبر تک چین کےمشرقی صوبہ ژی جیانگ کے شہر ووژین میں منعقد ہو گی۔

منتظمین نے جمعرات کو کہا کہ اس سال ڈبلیو آئی سی ووژین سمٹ کے انعقاد کے 10 سال مکمل ہونے پر2023 ایڈیشن میں نئی سرگرمیاں شامل ہوں گی جن میں اعزازی ٹائٹلز کے ایوارڈ اور ڈبلیو آئی سی کے تحت نوجوانوں کی عالمی قیادت کے پروگرام کا افتتاح شامل ہے۔

"سب کے لیے فائدہ مند جامع اور لچکدار ڈیجیٹل دنیا کی تشکیل اور سائبر اسپیس میں مشترکہ مستقبل کے ساتھ ایک کمیونٹی کی تعمیر" کے موضوع پر ہونے والی اس سمٹ میں اندرون و بیرون ملک سے مہمان شرکت کریں گے۔