تیان جن (شِںہوا) تھائی تاجر یوچا سریوان چین کی شمالی بلدیہ تیان جن میں ایک بین الاقوامی تجارتی میلے میں اپنی چینی زبان کی مہارت بروئے کار لاتے ہوئے اپنی کمپنی کی جڑی بوٹی مصنوعات کی فروخت کے مزید راستے کھولنے پر کام کررہے ہیں۔
تیان جن میں 2023 چائنہ (تیان جن) بین الاقوامی میلہ برائے سرمایہ کاری، تجارت اور بحرالکاہل اقتصادی تعاون کونسل نمائش (پی ای سی سی) جمعرات کو شروع ہوئی ہےجس میں روس، فلپائن اور تھائی لینڈ جیسے ممالک کی مختلف مصنوعات کو یکجا کیا گیا تھا۔ 50 ہزار مربع میٹر پرپھیلے نمائشی علاقے میں 1 ہزار 500 بین الاقوامی بوتھ قائم کئے گئے تھے۔
چین کی قومی کمیٹی برائے بحرالکاہل اقتصادی تعاون کے پی ای سی سی چیئر کے شریک چیئرمین ژان یونگ شین نے بتایا کہ 4 روزہ ایونٹ نے عالمی تجارت و سرمایہ کاری بارے ایک عملی تعاون پلیٹ فارم تشکیل دیا ہے۔
نمائش میں پہلی بار شریک سور تھائی کمپنی لمیٹڈ کے منیجر سریوان نے 60 سے زیادہ اقسام کی تھائی خصوصیات کی مصنوعات پیش کیں۔
سریوان نے روانی سے چینی زبان بولتے ہوئے کہا کہ وہ چینی صارفین کے لیے مزید تھائی مصنوعات لانے بارے پرامید ہیں ۔ چینی مارکیٹ بڑی ہے اور چینی صارفین مضبوط قوت خرید رکھتے ہیں۔ وہ مزید مقامی شراکت داروں کی تلاش اور مصنوعات کی فروخت کے راستے وسیع کرنے چین آتے ہیں۔
فلپائن کا ای کامرس پلیٹ فارم سوماگو بھی نمائش میں بہت سی مقامی خصوصیات کی حامل مصنوعات پیش کررہا ہے جس میں خشک آم، خشک کیلا، ناریل کا تیل، کافی، جام اور مشروبات شامل ہیں۔
سوماگو کے سی ای او اور فلپائن ای کام یونائیٹڈ ایسوسی ایشن انکارپوریٹڈ کے صدر ژو ٹنگ نے بتایا کہ فلپائن میں رواں سال جون میں علاقائی جامع اقتصادی شراکت داری کا نفاذ عمل میں آیا ہے،اس لئے چین میں مقامی معیار کی مصنوعات متعارف کرانے کی زبردست صلاحیت موجود ہے۔
