بیجنگ (شِنہوا) چین کے صدر شی جن پھنگ نے عدالتی، انتظامی اور عوامی تحفظ کے اداروں پر زور دیا ہے کہ وہ پارٹی کی کامل قیادت کی بالادستی کی پیروی کرتے ہوئے قومی تجدیدِ نو کا تحفظ یقینی بنائیں۔
کمیونسٹ پارٹی آف چائنہ کی مرکزی کمیٹی کے جنرل سیکرٹری اور مرکزی فوجی کمیشن کے چیئرمین شی جن پھنگ نے عدالتی، انتظامی اور عوامی سلامتی کے بارے میں اہم ہدایات دیتے ہوئے اس سے وابستہ افراد پر زور دیا ہے کہ وہ وفاداری کے ساتھ اپنے فرائض انجام دیں اور اچھی کارکردگی دکھائیں۔
چینی صدرشی نے قومی سلامتی کے تحفظ، سیاسی بصیرت بہتر بنانے، سلامتی کے بڑے خطرات کی روک تھام اور حل کی کوششوں پر زور دیا۔ انہوں نے سماجی استحکام برقرار رکھنے اور عوام کے جائز حقوق اور مفادات کے تحفظ پر بھی زور دیا ہے۔
انہوں نے کہا کہ سماجی شفافیت، انصاف کا تحفظ ،اس کا فروغ اور ملک میں قانون کی حکمرانی کے تحفظ سمیت سوشلسٹ مارکیٹ اقتصادی نظم و نسق کو قانون کے مطابق برقرار رکھنا چاہیئے اور قانون پر مبنی کاروباری ماحول مہیا کیا جانا چاہیئے۔
چینی صدر شی نے عدالتی، انتظامی اور عوامی سلامتی اداروں میں پارٹی کی سیاسی موجودگی مستحکم بنانے پر بھی زور دیا۔
چینی صدر کی یہ اہم ہدایت عدالتی، انتظامی اور عوامی سلامتی امور کےبارے میں ہفتے اور اتوار کو بیجنگ میں منعقدہ مرکزی کانفرنس میں دیں گئیں۔
کمیونسٹ پارٹی آف چائنہ کی مرکزی کمیٹی کے سیاسی بیورو کے رکن اور کمیونسٹ پارٹی آف چائنہ کی مرکزی کمیٹی کے سیاسی اور قانونی امور کمیشن کے سیکرٹری چھن وین چھنگ نے چینی صدر شی کی ہدایت سے آگاہ کیا اور تقریر کی۔
کمیونسٹ پارٹی آف چائنہ کی مرکزی کمیٹی کے سیکریٹریٹ کے رکن اور وزیرعوامی سلامتی وانگ شیاؤ ہونگ نے کانفرنس کی صدارت اور اختتامی تقریر کی۔
اعلیٰ عوامی عدالت کے صدر ژانگ جون اور اعلیٰ عوامی استغاثہ کے پروکیوریٹر جنرل ینگ یونگ نے کانفرنس میں شرکت کی۔
