واشنگٹن(شِنہوا) بین الاقوامی مالیاتی فنڈ (آئی ایم ایف) نے 2023 اور 2024 کے لیے چین کی اقتصادی ترقی کی پیش گوئی پرنظر ثانی کرتے ہوئے بہتر کردیا ہے۔

آئی ایم ایف کی ترجمان جولی کوزیک نے ایک پریس بریفنگ کے دوران  شِنہوا کے ایک سوال کے جواب میں  کہا کہ تازہ ترین پیش گوئی کی بنیاد پر، آئی ایم ایف کو توقع ہے کہ چینی معیشت "حکومت کے 2023 کے تقریباً 5 فیصد کے نمو کے ہدف کو حاصل کرے گی، جو کوویڈ کے بعد بحالی کی عکاسی ہے۔

آئی ایم ایف کی ایک ٹیم نے 2023 کے آرٹیکل چہارم  کی  مشاورت پر چینی حکام کے ساتھ بات چیت کی جس کے بعدآئی ایم ایف نے  نومبر کے شروع میں اعلان کیاتھا کہ وہ اکتوبر میں جاری ہونے والے ورلڈ اکنامک آؤٹ لک کے مقابلے میں2023 کے لیے چینی معیشت کے لیے اپنی پیش گوئی کو 5.0 فیصد سے 5.4 فیصد اور 2024 کے لیے 4.2 فیصد سے 4.6 فیصد کر دے گا۔

ترجمان نے کہاکہ درمیانی مدت کے دوران، آئی ایم ایف کو توقع ہے کہ چین میں ترقی کی رفتار مزید سست ہو جائے گی جس کی وجہ عمر رسیدہ آبادی اور ساتھ ہی پیداواری ترقی میں کمی ہے ۔