شنگھائی (شِنہوا) چین میں منعقدہ 20 ویں شنگھائی بین الاقوامی آٹوموبائل انڈسٹری نمائش کے لئے 2 کروڑ 50 لاکھ امریکی ڈالر مالیت کی درآمدات کی گئی ہیں۔

شنگھائی کسٹمز کے مطابق رواں سال درآمدی اشیاء کی کل 123 کھیپ آئی ہیں جو آٹوشنگھائی 2021 کی نسبت 34 فیصد اضافہ ہے۔ اس میں درآمدات کی مجموعی مالیت 2 کروڑ 50 لاکھ امریکی ڈالرز ہے جو 2021 کی نسبت 19 فیصد زائد ہے۔ رواں سال کی گاڑیوں کی نمائش کو آٹو شنگھائی 2023 کا نام دیا گیا ہے۔

قومی نمائش اور کنونشن مرکز (شنگھائی) میں منعقدہ آٹو شنگھائی 2023 کا مجموعی نمائشی رقبہ 3 لاکھ 60 ہزار مربع میٹر ہے۔ 18 اپریل سے شروع ہونے والی نمائش 27 اپریل تک جاری رہے گی۔

چین میں نوول کرونا وائرس ردعمل میں بہتری کے بعد یہ پہلا اول درجے کا بین الاقوامی گاڑیوں کا میلہ ہے جس میں دنیا بھر سے 1 ہزار سے زائد نمائش کنندہ شرکت کررہے ہیں۔