کابل (شِنہوا) افغانستان کے روایتی کھیل،بزکشی کے مقابلے بدھ کو کابل میں شروع ہوگئے،سینکڑوں تماشائی ان مقابلوں کو دیکھنے کے لیے میدان میں موجود ہیں۔

کابل شہر کے نواحی علاقے یکہ توت میں منعقد ہونے والے قومی کھیل بزکشی کے مقابلوں میں ملک بھر سے 13 ٹیمیں شرکت کررہی ہیں ، جیتنے والی ٹیم اور اس کے ٹیم لیڈر کو نقد رقم اور مختلف قسم کے انعامات سے نوازا جائے گا۔

10 دن تک جاری رہنے والے اس کھیل میں گھڑ سوار بچھڑے کی لاش کو پکڑ کر میدان میں مخصوص دائرے میں ڈالنے کی پوری کوشش کرتے ہیں۔

اس موقع پر افغانستان کے فزیکل ایجوکیشن اینڈ سپورٹس کے ڈائریکٹر جنرل مولوی احمد اللہ واثق نے شرکا سے خطاب کرتے ہوئے کہا کہ حکومت ملک میں  بزکشی کے روایتی کھیل سمیت ہر قسم کے کھیلوں کی حمایت جاری رکھے گی