بیجنگ(شِنہوا) چین نے کہا ہے کہ افراط زر میں کمی کے امریکی قانون سے چینی الیکٹرک گاڑیوں (ای ویز) کو مکمل ٹیکس چھوٹ دینے سے روکا گیا ہے جو نان مارکیٹ پالیسی اور امتیازی طرزعمل ہے۔
وزارت تجارت کے ترجمان ہی یادونگ نے جمعرات کو ایک باقاعدہ پریس کانفرنس میں کہا کہ سبسڈی کے حوالےسے امتیازی امریکی پالیسی ورلڈ ٹریڈ آرگنائزیشن (ڈبلیو ٹی او) کے بنیادی اصولوں کی خلاف ورزی ہے جس سے بین الاقوامی تجارت اور سرمایہ کاری شدید متاثر اور عالمی صنعتی اور سپلائی چین استحکام کو نقصان پہنچے گا۔
ترجمان نے کہا کہ چین سمیت ڈبلیو ٹی او کے کئی ارکان نے ڈبلیو ٹی او کونسل فار ٹریڈ ان گڈز کے علاوہ مختلف مواقع پر اس پالیسی پر شدید تحفظات کا اظہار کیا ہے۔ انہوں نے کہا کہ ای وی ٹیکنالوجی کی معروف صنعت کا حصہ ہیں، اور مناسب مسابقت تکنیکی ترقی کی کلید ہے۔امریکہ نے منصفانہ مسابقت کو روکنے کے لیے مصنوعی طور پر تجارتی رکاوٹیں کھڑی کی ہیں، جو ای وی ٹیکنالوجی اور ای وی صنعت کے لیے نقصان دہ ہیں۔
